He Tuhinga Taki - Te Papa Tongarewa, Hīnātore - Koraunui

Anei tētehi kohinga tuhituhi nā ngā ākonga i whakarite hei taki mō te haere ki Te Papa i te wiki tuarua!

Te Haerenga ki Te Papa

I te 9 o Haratua i haere mātou Te Kura Waenga ki Pōneke.

I tae atu mātou ki te taunga rererangi i te 2.30 i tatari mātou i reira mō te wā tino roa. I noho au ki tē taha o Te Paea. I waenganui i te wā rere i tīkina he pihikete, rare, me te wai.

I te wā i tae atu mātou ki Pōneke i tō kē te rā.

I tae ki Korounui marae me te mīharo o te wharenui rā.

Kua pōhiri mai kua tau mātou i roto i te whare. I whakatakotohia ngā moenga me ērā momo. I moe i te 9:00pm.

I te 7 karaka i te whiti te rā i tīoriori ngā manu ā kua oho tātou. Ko te tini kākahu me te whakariterite i a koe anō te mahi tae noa ki te wā parakuihi.

Kua kī te puku kua puta mai a pito ko te wā kotahi atu ki Te Papa me te mīharo hoki.

I tāpoi a Whaea Te Mihinga rāua ko Matua Ati i a mātou ki te marae o Te Papa.

I pōhiri mai a Te Papa ki a mātou whai muri i hakari. I ako hoki i ngā ingoa o ngā kaiako me ērā momo.

I ako katoa i ngā ingoa ā i tahuri atu ki te akomanga o Hīnātore. Ko te tikanga o te ingoa Hīnātore ko te wāhi whakaroaro. Ko te kaupapa ko Rākaihautu.

He maha ngā momo mea mariko i reira. He maha hoki ngā mahi i mahia. I reira mātou mō ngā rā e rua.

I te wā i hoki ki Korounui i tae atu mātou ki te tangi o tētehi pēpi tino pouri te ngākau i taua wā ā i tuku i ngā aroha kia a rātou arā i hoki ki Korounui.

I tae mai te whānau o Leyia me te whānau o Te Raukura me te maha o te whānau o Leyia. I a rātou e noho mai ana ki tō mātou taha i tākoro rīkī mātou.

Titaha

Te Haerenga ki Te Papa

I tērā wiki i haere te Kura Waenga ki Te Papa ki Pōneke.

Ko ngā mea pai i kite ahau ko te pounamu nui i waho o Te Marae o Te Papa. Ka taea te pounamu te mirimiri.

Ko tētahi atu mea pai ki ahau ko te Mata Kākāriki. I whakamahi mātou tērā ki te whakarite i te whakaari. Ko te wahakura te kaupapa.

Ko te tākaro i te Mahimaina tētahi atu mea pai ki ahau.

Kia ora koutou Te Papa mō te mahi.

Justyce-Lee

Rātū te 16 o ngā rā o Haratua

I te Rātū i haere Te Parahia me Te Matatupu ki Te Papa. Ka tuhi ahau mō Ekea, ngā rorohiko, me mōwhiti pepa māro.

Ka pai ki ahau te mōwhiti pepa māro ka puru ki runga i to mahunga ka kite koe i ngā taonga, i tētahi kurī i te hukapapa anō hoki.

I mahi ahau i te karetao. He rite te karetao ki a Ekea. Ka mahi i runga i te ipapa o Pāpā Tahu. I whakaingoa mātou i ngā wāhi i tārai a Rakaihautu.

I mahi hoki ahau i ngā rorohiko. I tuhi ahau i taku ingoa, ā, i tā i te pūrere tā ahu 3. Kei te kāinga taku ingoa.

He honore kia haere ki Te Papa me te mahi taonga

kia hoko ki ngā tāngata.

Nā Stacie

Hīnātore

Ekea

I te tuatahi I tae atu ki Te Papa Tongarewa ki te whare o Hīnātore heoi āno i te rāwekeweke ki ngā taputapu katoa. I whakahaere a Matua Hohepa i te karetoa e rite ana ki a Ekea. Ko te Ekea he rauemi pai nā te mea i whakaingoa a Matua Hohepa i ngā Ingoa no Te Waipounamu, i ako mātou i ngā taone i whao mai a Rakaihautu. Whai muri i tēnā ka hanga a Matua Hohepa i tētahi whakataetae mō tātou. I tuatahi a Che-lee, i tuarua a Matua Hohepa, i tuatoru ahau, otirā he mahi pai ki te ako.

Tepu hangahanga

Tuarua i wehe ngā rōpū ki waho o Hīnātore mō te rangahau i ngā taputapu kia hoko ki te taiwhanga o Te Tai Poutini. I whakaaro mātou kia hoko i te mere pounamu na te mea he taonga mō te kapahaka o enei ra engari i ngā ra o mua he taonga whakamate tangata. Ko te mea nui me hangai ki a Rakaihautu. Ko te wāhanga maunga he wāhanga hei whakaaro ana mō tona maunga. Kātahi ka hoki ki roto i a Hīnātore ka kī mai te kaiako me hanga tō taputapu me te rau atu ki te mata ahu toru arā ka haere ki te tepuhangahanga. Ka tā a Matua Reece, ka kōrero ahau e pā ana ki te mere pounamu.

Te Papa Kākāriki

Tuatoru ka hanga ngā roopu i o rātou taputapu kia hoko ki te taiwhanga o Te Tai Poutini. Katahi ka kuhu ki roto i te mata ahu toru tuatahi. I hanga te rōpū o Pāpā Tahu i te waka o Rākaihautu. Whai muri i a ia Ko Matua Ruawhitu i te korowai o rakaihautu arā, ko te rōpū o Whaea Kimi, kātahi kā tae atu te rōpū o Matua Reece ki te papa kākāriki. I whakamahia mātau i te papa kākāriki e toru ngā wā anake.

He wiki taiea ana ki a tātou katoa.

Nā Caleb

TE PAPA TONGAREWA

I te Rātū te 9 o ngā rangi o Haratua.

I haere Te Kura Waenga ki te Whanganui a Tara. I karangahia  mātou e Tātai Aho Rau kia haere atu ki Te Papa Tongarewa. Ko ngā pouako i haere atu ki tō mātou taha ko Mataua Reece, rātou ko Papa Tahu, ko Whaea Kimi, ko Whaea Tracey, ko Whaea Riria, ko Matua Ruawhitu.

Kua tae atu mātou ki Te Papa Tongarewa ko Matua Ati to mātou kaiārahi ki te akomanga hou o Hīnātore. Whai muri i te pōwhiri i tae atu mātou ki te akomanga.  I rāwekeweke mātou ki ngā taputapu hangarau matihiko. Ko te taputapu tuatahi i rāwekeweke ahau ko te tepu pā ā-mata.

TEPU PĀ ā-MATA

I pā atu ahau i te tepu pā ā-mata. Ko te taupānga tuatahi i haere ahau ki runga ko te mahere o te Kukara. I te pirangi ahau ki te kimi i tōku whare engari he āhua uaua ki te kimi i tōku whare na te mea he nui a Ōtautahi.

WAEA PŪKORO

Ko te taputapu tuarua i pāngia e ahau ko ngā waea pūkoro. He tino rawe ngā waea ko te waea pūkoro i whakamahi ahau i ngā wā ko te nama tuatoru. I runga ahau i te taupānga o te whakaahua. He maha ngā whakaahua i tango ahau. Ko ngētahi he ahau-i ko ngētahi ko ngā whakaahua o te akomanga.

NGĀ TAONGA TAWHITO

I mauria mai e Matua Ati ngā taonga tawhito. I mauria mai e nga kai pupuri taonga o te wharepupuri taonga ngā taonga. I pā atu mātou i ngā taonga mai i ngā tau o ngā tupuna. I kī atu a Matua Ati me mau karapu mātou na te mea kei te ora tonu ngā taonga. He rawe tēnei haerenga ki Te Papa.

Nā Te Kairangi